आइ जुरे सब ब्रज के बासी -सूरदास

सूरसागर

दशम स्कन्ध

राग बिलावल आइ जुरे सब ब्रज के बासी। डेरौ परे कोस चौरासी।। एक फिरत कहूँ ठौर न पावै। एते पर आनंद बढ़ावै।। कोउ काहू सौं बैर न ताकै। बैठत मन जहँ भावत जाकै।। खेलत, हँसत, करत कौतूहल। जुरे लोग जहँ तहाँ अकूहल।। नंद कह्यौ सब भोग मँगावहु। अपनैं कर सब लै-लै आवहु।। भोग बहुत वृषभानुहिं घर कौ। को कहि बरनै अतिहि बहर कौ।। सूर स्याम जब आयसु दीन्हौ। बिप्र बुलाइ नंद तब लीन्हौं।।905।।