चली स्याम-गत-चित्ता ग्वालिनि -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव लीला माधुरी

राग सारंग - तीन ताल चली स्याम-गत-चित्ता ग्वालिनि धर सिर दधि-पूरन मटकी। चिंतत स्याम, पुकारत स्यामहि, पहुँची बन इकंत भटकी॥ मधुर-बिकलता गोपी-मन की, स्याम-चित्त में जा खटकी। प्रगटे तुरत, मधुर गोपी-मुख-पद्म दृष्टि-भ्रमरी अटकी॥ निरखि स्याम सन्मुख सहसा मन छयौ अमित अचरज आनंद। देखि रही अपलक अचरज, अंगुरि धरि चिबुक, बदन सुख-कंद॥ रसमय स्याम लैन हिय-रस-दधि भर्‌यौ लगे लूटन स्वच्छंद। छलक्यौ दधि उत इत मन-रस-निधि छल क्यौ, बढ्यौ तोरि सब बंध॥