रसमयी संग रसिक-बर राज -हनुमान प्रसाद पोद्दार

पद रत्नाकर -हनुमान प्रसाद पोद्दार

श्रीराधा माधव स्वरूप माधुरी

राग आसावरी - तीन ताल रसमयी संग रसिक-बर राज। किसलय-सुमन-बल्लरी-बिरचित रहे निकुंज बिराज॥ अमित अनंत तरंगित स्यामल नील-नीरधर अंग। रास-बिलास-कला-कौसल-निधि ठाढ़े ठसक त्रिभंग॥ हेम-बरनि, सुखकरनि लाडिली ललित रही नित संग। मानौ बारिद-बिजुरी बिलसित नील-पीत नव रंग॥ बिबिध बिधान बिभाव-भावमय मधुमय रसमय रास। मधुर अधर धर मुरलि मनोहर राग-सुराग बिकास॥