हरि, हौं सब पतितनि कौ राजा -सूरदास

सूरसागर

प्रथम स्कन्ध

राग सारंग हरि, हौं सब पतितनि कौ राजा। निंदा पर-मुख पूरि रह्यौ जग, यह निसान नित बाजा। तृष्‍ना देसऽरु सुभट मनोरथ, इंद्री खड़ग हमारी। मंत्री काम कुमति दीबे कौ, क्रोध रहत प्रतिहारी। गज-अहँकार चड्यौ दिग विजयी, लोभ-छत्र-करि सीस। फौज असत-संगति की मेरैं, ऐसौ हौं मैं ईस। मोह-मया बंदी गुन गावत, मागध दोष-अपार। सूर पाप कौ गढ़ दृढ़ कीन्‍हौ, मुहकम लाइ किवार।।।144।।